شیرینن پیشیگین ناغیلی

شیرینن پیشیگین ناغیلی

 

گزیردی بیر گونی جنگلده بیر شیر

نه گوردی بیر پیشیک چوخ لاغر و پیر

دیدی؛ حیوان عجب خوش منظرن وار

قیافوندن بیزه چوخ بنزرون وار

اگر بیز جنسدن سن ایله اظهار

بوجور خِرد اُلماقیندا،  نه سبب وار

پشیک بیر آه چکدی اولدی گریان

دیدی ای پادشاه جنگلستان

منی سالمش بو حاله  غصه و غم

فشار زحمت اولاد آدم

بنی آدم منی سالمش به حاله

ایشیم اولموش همیشه آه و ناله

بنی آدم دیمه بیر گرگ خونخوار

سیه دل، مردمان مردم آزار

بنی آدم دیمه روباه مکار

خطاکار و تبهکار و طمعکار

اولوبدور ایشلری جرم و جنایت

که قارداش قارداشا ایلور خیانت

نه الله و نه پیغمبر تانولار

نه راه و رسم همنوعی قانولار

هایاندا بیردنه عاجز تاپالار

قولون بورخالا، تز بور قاپالار

مجالیسده گوزل قرآن اوخولار

ولی هر بینوایه تور توخولار

یزیده دیللرونده لعن ایدیللر

و لیکن اهل حقه طعن ایدیللر

وروللر پولارین نفع ربایه

همان پولدان گیدوللر کربلایه

قماربازلیقدا بیر لیلانج اولوبلار

گیدوبلر بیته، فخر الحاج اولوبلار

پیمبردن، خدادن، دم ورالار

ولی عاجزلرین قانین سورالّار

بنی آدمدی- انساندی بشردی

اوچی بیر جنسیدور بیرپارچا شردی

دیدی شیر؛ ای پیشیک قلبیم اوپولدی

منه انسانی گورمک واجب اولدی

خراب اولدی حالم تز دور ایاقه

بلدچی اول منه، سن توش قباقه

اگر گورسم، باشین غوغایه سالّام

سنین من انتقامون اونان آلّام

نشان ور تز قویوم آغلار آناسین

آلوم السیز ایاقسیزلار قصاصین

پیشیک دوشدی قباقه، شیرده دالدا

گیدیردیله ولی بیر اوزگه حالدا

خلاصه ایدیلر طی مراحل

کسوبلر یولاری منزل به منزل

اوزاقدان گوردیلر بیر خارکش پیر

نشان ویردی پیشیک، تز یولانوب شیر

گلوب اول سلام ایتدی او پیره

قوجا بیر وحشتیله باخده شیره

دیدی شیر؛ اولان سنوره دشمن

سنیله گلمیشم کشتی دوتام من

اشیتجک بوسوزی؛ اول پیر اکمل

آتوب تز بالتانی الدن، دیدی گَل

قولونی چمرادی شاد و خرامان

ولی قصدیندن اولدی تز پشیمان

دیدی معذور دوت یوخ قُوّه منده

که قویدوم زورومی، ایوده گلنده

دیدی من بوردایام اولما معطل

گیدوب تز زوروی ایودن گوتور گَل

گوجا گولدی، دیدی ای شیر پُرفَن

گلینجه من قاچارسان، دوزمه سن سن

دیدی گر احتیاطون وار قاچام من

گَل اینده ال ایاقیم باغلا گیت سن

طنابیله او دم پیر مُکرّم

او شیرین ال ایاقین ایتدی محکم

بیر آز شهره طرف گیتدی قیتدی

دیدی؛ بیر سوز منه قصدمدن ایتدی

دیشونَّن، ال ایاقین آچورسان

گلینجه اعتبارون یوخ قاچارسان

دیدی گَل آغزیمی باغلا، یین گیت

خیالون راحت اولسون، ارخیین گیت

عمو چون شیرین آغزین ایتدی بسته

اونو دوندردی بیر آرخاسی اوسته

ال آتدی بالتانی یردن گوتوردی

دیدی دور قارداشون زورین گتوردی

چکیلمیشدی پیشیک گوزدن کناره

ایدیردی شیریله پیره نظاره

قوجا بیر نچه بالتا شیره ویردی

او وردیخچا اسد یولداش چغیردی

گلنده بالتا، قالخیردی یاتیردی

سچوب قی ایتدی هریانین باتیردی

دگنده بالتا هر یردن ازیردی

یازیق؛ گه قشقروب، گاهی چزردی

دولاندیردی گوزین با حال خسته

پیشیک گوردی اوتورموش، بیر داش اوسته

دیدی یولداش بو انسان ستمکار

منی سن خِردالخدا ایتسه بوشلار

قوتولسیدیم الهی بو بلادن

قاچاردم هر زمان جنس دوپادن

عجب بی رحم و ناهنجاریمیشلر

مزوّر، حیله گر، مکاریمیشلر

نه انساندور، بله انسیت اولماز

بوجور درنده بیر حیوان تاپولماز


اگر هرگونه سوال و یا اشکالی در رابطه با این زمینه و یا هر زمینه تحصیلی
مانند: مدرسه ، دانشگاه ، کنکور ، ارشد ، دکتری ، نظام وظیفه و... دارید ؛

...کافیست با ما تماس بگیرید

شماره تماس از خط ثابت 9099071613

شماره تماس دوم از خط ثابت 02170705003

پاسخگویی از ۸ صبح تا ۱۲ شب حتی ایام تعطیل

مشخصات

  • جهت مشاهده منبع اصلی این مطلب کلیک کنید
  • کلمات کلیدی: دیدی ,پیشیک ,ایتدی ,اولدی ,دیدی شیر؛ ,پیشیگین ناغیلی ,شیرینن پیشیگین ,شیرینن پیشیگین ناغیلی
  • در صورتی که این صفحه دارای محتوای مجرمانه است یا درخواست حذف آن را دارید لطفا گزارش دهید.

تبلیغات

محل تبلیغات شما

آخرین ارسال ها

عکس آقای خامنه ای

آخرین جستجو ها

اگر هرگونه سوال و یا اشکالی در رابطه با این زمینه و یا هر زمینه تحصیلی
مانند: مدرسه ، دانشگاه ، کنکور ، ارشد ، دکتری ، نظام وظیفه و... دارید ؛

...کافیست با ما تماس بگیرید

شماره تماس از خط ثابت 9099071613

شماره تماس دوم از خط ثابت 02170705003

پاسخگویی از ۸ صبح تا ۱۲ شب حتی ایام تعطیل